Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionistja Aida Dërguti ka vlerësuar se nisma e fundit për krijimin e një qeverie tranzitore është thjesht një kalkulim elektoral nga ana e kryetarit të Vetëvendosjes, Albin Kurti. Dërguti tha se letra e Kurtit drejtuar kryetarit të LDK-së, Lumir Abdixhiku, nuk ishte një ofertë e sinqertë politike. Sipas saj, qëllimi i kësaj letre ishte të krijojë përshtypjen e një gatishmërie për bashkëpunim, ndërkohë që, siç tha ajo, nuk ka vullnet real për një qeveri gjithëpërfshirëse të opozitës. “Është komplet kalkulim elektoral”, theksoi Dërguti. Ajo komentoi edhe përgjigjen e Abdixhikut, duke e ndarë në dy pjesë: pjesën e parë si refuzim të qartë politik dhe pjesën e dytë si një kundërpropozim për një qeveri të përbashkët opozitare, që në thelb sfidon narrativën e Vetëvendosjes.
