Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisionerja evropiane për zgjerim, Marta Kos, u bëri thirrje autoriteteve në Kosovë të formojnë sa më parë institucionet e reja, për të zbatuar reformat evropiane dhe për të përfituar nga fondet e Planit Evropian për Rritje. Ajo theksoi se nënshkrimi dhe ratifikimi i marrëveshjeve relevante duhet të jetë prioritet për qeverinë dhe kuvendin e ardhshëm. Në prag të votimit të një rezolute të re në Parlamentin Evropian, eurodeputeti Riho Terras, autor i saj dhe raportues për Kosovën, kërkoi heqjen e menjëhershme të masave ndëshkuese ndaj Kosovës, duke i cilësuar ato të padrejta dhe pengesë për zhvillimin evropian të vendit. Rezoluta përshëndet aplikimin e Kosovës për statusin e vendit kandidat për BE dhe mbështet anëtarësimin e saj në Këshillin e Evropës dhe Partneritetin për Paqe të NATO-s. Dokumenti thekson gjithashtu nevojën për përfundimin e dialogut me Serbinë me njohje të ndërsjellë, si dhe kërkon drejtësi për autorët e sulmit në Banjskë dhe përgjegjësi nga Serbia.
