Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Memli Krasniqi, ka kritikuar ashpër Lëvizjen Vetëvendosje dhe kryeministrin në detyrë Albin Kurti për këmbënguljen e tyre në kandidaturën e Haxhiut për kryetare të Kuvendit. Krasniqi e cilësoi këtë qëndrim si të pakuptimtë dhe të dëmshëm për institucionet dhe funksionimin e shtetit, duke thënë se në vende demokratike, si Shtetet e Bashkuara të Amerikës, ndërrimi i kandidatëve ndodh edhe gjatë garës. Në vende shumë më të zhvilluara se vendi ynë, në situata të caktuara politike, ndërrohen kandidatët edhe në mes të garës. Vitin e kaluar, në SHBA, Partia Demokratike e zëvendësoi kandidatin e saj – presidentin aktual – me Kamala Harris, dhe kjo nuk u pa si diçka e jashtëzakonshme, deklaroi ai. Sipas Krasniqit, këmbëngulja e Kurtit për Haxhiun është shenjë pasigurie, duke e ndërlidhur atë me faktin se Vetëvendosje nuk i ka numrat e nevojshëm në Kuvend për të zgjedhur kryetaren e institucionit. Ai gjithashtu e quajti situatën në Kuvend “të tepërt” dhe pengesë për ecjen përpara të vendit. “Qytetarët dhe institucionet janë peng i Lëvizjes Vetëvendosje, që nuk pranon të ndryshojë një kandidate që nuk ka votat për t’u zgjedhur,” theksoi Krasniqi.
