Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tirana do të kthehet në epiqendrën e politikës evropiane, duke pritur Samitin e 6-të të Komunitetit Politik Evropian. Në këtë ngjarje madhore, që do të zhvillohet në Sheshin Skënderbej, pritet të marrin pjesë 47 liderë nga i gjithë kontinenti. Takimi është organizuar nga Presidenti i Këshillit Evropian, António Costa, në bashkëpunim me Kryeministrin e Shqipërisë, Edi Rama. Sipas Këshillit Evropian, tema qendrore e këtij samiti është: “Evropa e Re në një botë të re: unitet – bashkëpunim – veprim i përbashkët”. Bashkimi Evropian do të përfaqësohet edhe nga Presidentja e Komisionit Evropian, Ursula von der Leyen, si dhe Përfaqësuesja e Lartë për Punët e Jashtme, Kaja Kallas. Samiti përfshin seanca plenare hapëse dhe mbyllëse, tryeza të rrumbullakëta me tema të ndryshme dhe takime dypalëshe ndërmjet liderëve, me synimin për të forcuar bashkëpunimin politik dhe strategjik mes vendeve evropiane në një kohë sfidash të reja globale. Ky samit shënon një moment historik për Shqipërinë dhe afirmon rolin e saj në arenën ndërkombëtare si një partner aktiv dhe i besueshëm në rrugën drejt integrimit evropian.
