Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Aleancës për Ardhmërinë e Kosovës, Besnik Tahiri, ka reaguar pas dështimit për herë të 17-të të mbajtjes së seancës konstituive të Kuvendit. Në një deklaratë për media, Tahiri ka kritikuar ashpër propozimin e Lëvizjes Vetëvendosje, për mbajtjen e seancave parlamentare një herë në javë, duke e cilësuar atë si antikushtetues dhe të rrezikshëm. Sipas tij, një qasje e tillë synon të normalizojë shkeljet kushtetuese përmes përfshirjes së të gjithë akterëve politikë në këto shkelje. Ai e ka quajtur këtë propozim një “eksperiment” për një qeverisje tranzicionale me prirje autoritare. Ky është një propozim antikushtetues. Një shpikje që rrezikon të shndërrohet në mjet për të instaluar një qeverisje autoritare, pa Kuvend funksional, ku madje udhëheqësi i seancës mund të marrë edhe rolin e ushtruesit të detyrës së Presidentit, tha Tahiri.
