Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës Kosova e Re, Behgjet Pacolli, ka reaguar pas dështimit të 18-të për konstituimin e Kuvendit të Kosovës, duke e cilësuar situatën si një krizë serioze kushtetuese dhe institucionale që nuk mund të zvarritet më tej. Ai ka kritikuar Lëvizjen Vetëvendosje, duke theksuar se si partia më e madhe në Kuvend, ajo ka përgjegjësinë kryesore për zgjidhjen e këtij ngërçi. Është për të ardhur keq dhe për t’u turpëruar se si mazhoranca ende nuk po kupton që qytetarët ia kanë dhënë besimin për të qeverisur me përgjegjësi – jo vetëm për politika dhe reforma, por për të zgjidhur me urgjencë problemet institucionale kur ato shfaqen, ka shkruar Pacolli. Nëse kandidatja e propozuar për kryetare Kuvendi nuk gëzon konsensus ose krijon përplasje politike, atëherë ajo është dashur të tërhiqet menjëherë për t’i hapur rrugë një zgjidhjeje të re dhe funksionale, ka shtuar ai. Pacolli theksoi se mazhoranca nuk mund të fshihet më pas alibive politike dhe bëri thirrje për veprim të menjëhershëm dhe vendimmarrje të guximshme për tejkalimin e krizës.
