Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Besian Mustafa, ka bërë të qarta kushtet e subjektit të tij politik për një koalicion të mundshëm me partitë opozitare, përjashtuar Vetëvendosjen. LDK nuk është për bllokim të proceseve, por kërkon të udhëheqë qeverinë e ardhshme për të zbatuar programin e saj politik. “Kemi kërkuar që qeverinë e ardhshme ta ndërtojë LDK-ja dhe të kemi një qeveri stabile për të zgjedhur presidentin,” deklaroi Mustafa. Ai përsëriti qëndrimin e LDK-së kundër një koalicioni me Vetëvendosjen, duke kritikuar qasjen e liderit të saj, Albin Kurti, si përjashtuese dhe autoritare. Mustafa bëri të ditur se LDK është e hapur për bashkëpunim me partitë e tjera opozitare nëse plotësohen dy kushte: ndërtimi i qeverisë nga LDK dhe sigurimi i një stabiliteti institucional për zgjedhjen e presidentit. Në rast të dështimit të formimit të qeverisë, sipas tij, Kushtetuta e Kosovës ofron rrugën për të shkuar në zgjedhje të reja.
