Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes i Shqipërisë, Pirro Vengu, priti në Tiranë komandantin e FSK-së, Gjenerallejtënant Bashkim Jashari, në një takim me fokus bashkëpunimin mes dy ushtrive. Vengu tha se marrëdhëniet strategjike dhe vëllazërore mes Forcave të Armatosura të Shqipërisë dhe Forcës së Sigurisë së Kosovës po thellohen më tej. Në qendër të bashkëpunimit janë trajnimet, arsimi ushtarak, zhvillimi i industrisë së mbrojtjes dhe pjesëmarrja në stërvitje të përbashkëta. Ai shtoi se të dy vendet po angazhohen në nisma të përbashkëta rajonale për forcimin e sigurisë. “Së bashku do të punojmë për ta bërë Kosovën pjesë të plotë të arkitekturës së sigurisë euroatlantike”, deklaroi Vengu në Facebook. Takimi vjen në një kohë kur bashkëpunimi ushtarak Kosovë–Shqipëri është në rritje të vazhdueshme.
