Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, ka deklaruar se dy deputetë të partisë së saj janë kontaktuar nga përfaqësues të Lëvizjes Vetëvendosje për bashkëpunim politik, por ata kanë refuzuar. Ajo nuk i ka bërë publik emrat, duke thënë se kjo mbetet në vullnetin e tyre. Bajrami ka kritikuar ashpër edhe vendimin e ZRrE-së që nga 1 qershori i detyron mbi 1,300 kompani, përfshirë 200 prodhues vendorë, të dalin në tregun e lirë të energjisë. Sipas saj, ky vendim do të shkaktojë rritje mbi 260% të çmimit të energjisë për këto biznese, duke i bërë ato jokonkurrente në tregun evropian. Ajo theksoi se eksportuesit kosovarë do ta kenë të pamundur të mbajnë çmimet dhe kontratat me partnerët ndërkombëtarë. Bajrami e cilësoi këtë si “treg të lirë fiktiv”, pasi ekziston vetëm një ofertues – KESCO. Ajo kërkoi ndërhyrjen e institucioneve të drejtësisë për të hetuar këtë vendim.
