Tryezë Diskutimi mbi Procesin e Përgatitjes së Buxhetit Komunal, organizuar nga OSBE në Kosovë

29/05/2025 Institucionet

Organizata për Siguri dhe Bashkëpunim në Evropë (OSBE), Misioni në Kosovë, ka organizuar një tryezë diskutimi mbi procesin e përgatitjes së buxhetit komunal, me pjesëmarrjen e zyrtarëve komunalë nga Ferizaj, Hani i Elezit dhe Kaçaniku.

Takimin e hapi Igli Totozani, Drejtor i Qendrës Rajonale të OSBE-së, i cili prezantoi objektivat e punëtorisë, duke theksuar rëndësinë e transparencës dhe bashkëpunimit në hartimin e buxhetit.

Në vazhdim, Albion Sherifi, shef i kabinetit të Kryetarit të Komunës së Ferizajt, z. Agim Aliu, foli për rolin e pushtetit legjislativ dhe ekzekutiv në procesin buxhetor, duke ndarë përvoja konkrete nga praktikat komunale.

Po ashtu, Finsik Sylejmani, zyrtar financiar në Komunën e Ferizajt, mbajti një prezantim të detajuar mbi mënyrën e përgatitjes së buxhetit komunal, duke përshkruar hapat, sfidat dhe angazhimet institucionale në këtë drejtim.

Ky takim u vlerësua si një mundësi e rëndësishme për shkëmbimin e përvojave, si dhe për forcimin e bashkëpunimit dhe mirëkuptimit të ndërsjellë mes nivelit legjislativ dhe ekzekutiv në kuadër të procesit të përgatitjes së buxhetit komunal.

Kontrolloni gjithashtu

Agim Aliu pret Çekun, diskutojnë për investimet në Ferizaj

Kryetari i komunës së Ferizajt, z. Agim Aliu ka pritur në takim, ministrin në detyrë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara