Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pavarësisht se institucionet e reja nuk janë formuar ende pas zgjedhjeve të 9 shkurtit, partitë politike në Kosovë kanë nisur përgatitjet për zgjedhjet lokale. LDK-ja është treguar më aktive, duke konfirmuar rikandidimin e Përparim Ramës në Prishtinë dhe Arbër Ismajlit në Gjilan. Edhe LVV-ja ka bërë të ditur se do të rikandidojë kryetarët aktualë në Besianë dhe Dardanë. PDK dhe AAK janë treguar më pasive, megjithëse mediat raportojnë se Bekë Berisha mund të jetë kandidat për Prishtinën nga AAK. Sipas Qëndrim Hoxhës nga LDA Europe, partitë tashmë kanë filluar një fushatë të heshtur, pavarësisht bllokadës në nivel qendror. Analisti Albinot Maloku thotë se suksesi në zgjedhjet lokale do të varet nga lidhja e kandidatëve me qytetarët, jo domosdoshmërisht nga fama e tyre në nivel qendror. Presidentja Vjosa Osmani pritet ta caktojë datën e zgjedhjeve në qershor. Zgjedhjet e fundit lokale u mbajtën në tetor të vitit 2021.
