Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri në detyrë i Mbrojtjes, Ejup Maqedonci, ka pritur sot në takim dy përfaqësues të lartë të ushtrisë amerikane, Gjeneral Major Michael Wegscheider dhe Gjeneral Major Stephen Osborn. Gjatë takimit, Maqedonci ka shprehur mirënjohje për mbështetjen e vazhdueshme të Shteteve të Bashkuara të Amerikës ndaj Kosovës dhe FSK-së. Ai theksoi rëndësinë e përzgjedhjes së Kosovës si vendi ku është vendosur komanda e Divizionit të 28-të të Ushtrisë Amerikane, si dhe pjesëmarrjen aktive të FSK-së në ushtrimin ushtarak më të madh në Evropë, “Defender Europe 25”. Maqedonci informoi për progresin në zbatimin e Planit të Përgjithshëm të Tranzicionit dhe ristrukturimin e Ministrisë së Mbrojtjes dhe FSK-së, me qëllim forcimin e kapaciteteve mbrojtëse dhe rritjen e sigurisë në vend. Nga ana e tij, gjeneral Wegscheider ka theksuar përkushtimin e SHBA-së për të thelluar partneritetin në fushën e mbrojtjes, duke e cilësuar Kosovën si aleat të përhershëm dhe mik të besueshëm të vlerave demokratike.
