Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-nënkryetari i Kuvendit të Kosovës dhe anëtar i PDK-së, Xhavit Haliti, ka deklaruar se Fatmir Limaj nuk ka fuqinë politike për të qenë kryetar i Kuvendit, pavarësisht ambicieve të tij për këtë post. Sipas Halitit, Lëvizja Vetëvendosje dhe lideri i saj, Albin Kurti, po synojnë të formojnë qeverinë me një shumicë të thjeshtë prej 61 ose 62 votash, ndërsa në këtë kuadër, Fatmir Limaj po shihet si një faktor potencial për të plotësuar shumicën. Megjithatë, Haliti theksoi se ndikimi politik i Limajt është i kufizuar. “Fatmir Limaj është mik i imi dhe është një lojtar interesant politik, por me tre deputetë nuk mund të pretendojë udhëheqjen e Kuvendit. Është njësoj si të krahasosh një lepur me luanët. Në këtë betejë politike, duhet të kuptosh nëse je për luftë apo marrëveshje, por dikush duhet të dalë fitues,” tha Haliti. “Po të isha në vend të tij, nuk do të kërkoja postin e kryetarit të Kuvendit. Nuk e ka fuqinë politike për ta menaxhuar atë pozitë, veçanërisht në një situatë kaq të ndërlikuar ku duhen menaxhuar ‘të mëdhenjtë’,” u shpreh Haliti.
