Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Katër muaj pas zgjedhjeve të përgjithshme, Kosova ende nuk ka arritur të konstituojë institucionet shtetërore, duke u futur në një krizë të thellë politike që nuk po shfaq shenja zgjidhjeje të shpejtë. Procesi i konstituimit të Kuvendit të Kosovës ka dështuar pothuajse 30 herë që nga 15 prilli, me seanca që thirren çdo 48 orë, por që mbyllen pa rezultat. Pengesa kryesore mbetet zgjedhja e kryetarit të Kuvendit, për të cilën partia fituese, Lëvizja Vetëvendosje, nuk ka siguruar shumicën e nevojshme të votave. Fillimisht, propozimi i Albulena Haxhiut si kandidate për kryetare të Kuvendit është refuzuar disa herë nga shumica e deputetëve. Në përpjekje për të zhbllokuar procesin, VV ka kërkuar votim të fshehtë, por komisioni për votimin e tillë nuk ka arritur të sigurojë as shumicën e thjeshtë të votave. Pavarësisht deklaratave të kryetarit të VV-së, Albin Kurti, në natën e zgjedhjeve se do ta formojë vetë qeverinë, realiteti politik ka treguar mungesë të mbështetjes së nevojshme parlamentare.
