Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i Nismës Socialdemokrate, Artan Nimani, ka reaguar ndaj propozimit të Lidhjes Demokratike të Kosovës për një Qeveri të Unitetit Kombëtar, duke thënë se krijimi i institucioneve nuk bëhet përmes listimit të pikave në një dokument, por përmes kompromisit dhe angazhimit të drejtpërdrejt politik. Nimani kritikoi planin 15-pikësh të paraqitur nga kreu i LDK-së, Lumir Abdixhiku, duke e konsideruar atë më shumë një ushtrim retorik sesa një zgjidhje konkrete për krizën politike. “Kjo punë nuk bëhet me pika. Krijimi i institucioneve kërkon kompromis, sakrificë dhe angazhim praktik. Nuk tejkalohet kriza me rreshtimin e 15 pikave në letër – ashtu mund t’i shkruaj edhe unë 15 pika të tjera që janë po aq jetike,” u shpreh Nimani. Ai theksoi se zgjidhja e krizës kërkon një veprim të përbashkët nga të gjitha partitë politike, duke sugjeruar që liderët e subjekteve kryesore të ulen bashkë dhe të dalin me një qëndrim të unifikuar. “Hapi konkret është që liderët e LDK-së, PDK-së, AAK-së dhe Nismës të grupohen dhe të formulojnë një platformë të përbashkët. Vetëm përmes një qasje të tillë mund të arrihet funksionalizimi i institucioneve,” shtoi ai.
