Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-anëtari i Gjykatës Kushtetuese dhe profesori i së drejtës kushtetuese, Kadri Kryeziu, ka deklaruar se deputetët e Kuvendit të Kosovës kanë shkelur Kushtetutën duke mos përmbushur detyrimin e tyre për të formuar institucionet e reja pas dhënies së betimit. Kryeziu theksoi se me aktin e betimit, deputetët marrin përsipër përgjegjësinë kushtetuese për të funksionalizuar institucionet, gjë të cilën sipas tij ata nuk e kanë bërë. “Deputetët, në momentin kur japin betimin, obligohen të krijojnë institucionet, të respektojnë kushtetutshmërinë dhe të kontribuojnë në funksionimin e shtetit. Shkelja është kolektive dhe jo individuale – si tërësi, ata e kanë shkelur Kushtetutën”, u shpreh ai. Kryeziu komentoi edhe për rolin e kryesuesit të seancës konstituive, Avni Dehari, duke theksuar se ai ka detyrë të qartë ligjore dhe kushtetuese për ta çuar përpara procesin e konstituimit të Kuvendit. Ai shtoi se edhe mospjesëmarrja e deputetëve në votime përbën shkelje të detyrimeve kushtetuese.
