Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka dështuar sërish përpjekja për konstituimin e Kuvendit të Kosovës. Seanca e sotme ishte tentativa e 36-të, por pa sukses. Edhe kësaj here, partitë opozitare – Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës, dhe Lista Serbe – nuk propozuan përfaqësuesit e tyre për formimin e komisionit për votim të fshehtë. Ky komision është i nevojshëm për votimin e kandidates së Vetëvendosjes, Albulena Haxhiu, për kryetare të Kuvendit. Haxhiu deri më tani nuk ka arritur të sigurojë 61 votat e nevojshme në votimin e hapur, çka e bën të domosdoshëm kalimin në procedurën e votimit të fshehtë – për të cilën nevojitet dakordimi i partive. Kryesuesi i seancës, Avni Dehari, njoftoi ndërprerjen e saj dhe bëri të ditur se seanca do të vazhdojë të mërkurën, më 25 qershor, në orën 11:00.
