Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të Partisë Demokratike të Kosovës, Abelard Tahiri, ka deklaruar se partia e tij i ka hapur rrugë Vetëvendosjes për konstituimin e Kuvendit të Kosovës, por sipas tij, është pikërisht Vetëvendosje ajo që po e bllokon procesin. Tahiri tha se PDK-ja është e gatshme të votojë 40 kandidatë nga radhët e Vetëvendosjes për postin e Kryetarit të Kuvendit, me përjashtim të 8 prej tyre që kanë qenë pjesë e qeverisë në mandatin e kaluar. “Ju e dini që nuk jemi të bllokuar te partitë e tjera, por te partia e parë. Sepse e drejta është e saj për të propozuar, por ata nuk kanë shumicë parlamentare. Ata janë ata që po bllokojnë, dhe atyre u takon. Ne kemi hapur rrugë,” tha Tahiri. Ai shtoi se Vetëvendosje do të jetë humbësi më i madh i këtij procesi, duke theksuar se nuk ka partnerë dhe po përballet me rënie të ndjeshme politike. “S’ka dyshim që humbësi më i madh i këtyre zgjedhjeve ka me qenë VV. Këta s’kanë partner dhe kanë rënien më të madhe,” u shpreh ai.
