Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tensionet politike të pazgjidhura me Serbinë dhe situata e brishtë në veri të vendit po pengojnë seriozisht stabilitetin dhe zhvillimin e Kosovës – kështu thuhet në raportin e fundit të Ekipit të Kombeve të Bashkuara në Kosovë. Sipas dokumentit, mungesa e progresit në dialogun e ndërmjetësuar nga BE ka thelluar polarizimin, duke ndikuar negativisht në investimet e huaja dhe në procesin e integrimit rajonal. Raporti evidenton sfida të thella në fusha si barazia gjinore, kujdesi shëndetësor, papunësia e të rinjve dhe ndotja mjedisore, ndërkohë që Kosova po përballet me plakjen e popullsisë dhe largimin masiv të të rinjve jashtë vendit. Kombet e Bashkuara vërejnë se Kosova ka shënuar përparim në tranzicionin demokratik, me zgjedhje të lira dhe institucione funksionale. Por theksojnë se rruga drejt përmbushjes së Objektivave të Zhvillimit të Qëndrueshëm është e ngadaltë dhe e pabarabartë. OKB apelon për përparim në dialog, për të shmangur izolimin dhe për të përfituar plotësisht nga mbështetja ndërkombëtare drejt zhvillimit dhe paqes afatgjate.
