Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Speciale e Kosovës ka ngritur aktakuzë ndaj një personi me inicialet D.R., për krime lufte kundër popullsisë civile gjatë luftës në Kosovë. Sipas Prokurorisë, i pandehuri akuzohet se në periudhën 7 deri më 10 maj të vitit 1999, ka marrë pjesë në një sulm të gjerë e të organizuar të forcave serbe në Gjakovë, bashkë me pjesëtarë të tjerë ushtarakë, policorë dhe paramilitarë. Aktakuza e ngarkon atë me përgjegjësi për vrasjen e tre civilëve shqiptarë, keqtrajtim fizik të tyre, dëbim të dhunshëm të banorëve nga shtëpitë e tyre, si dhe plaçkitje e shkatërrim të pronave në disa lagje të qytetit. Provat përfshijnë dëshmi të viktimave, dëshmitarëve okularë, identifikim përmes fotografive, si dhe raporte të Institutit të Mjekësisë Ligjore. I dyshuari ndodhet aktualisht në paraburgim, ndërsa Prokuroria ka kërkuar zgjatjen e kësaj mase për shkak të rrezikut të arratisjes. Kujtojmë se gjatë luftës në Kosovë janë vrarë mbi 13 mijë civilë dhe rreth 1.600 persona janë ende të zhdukur.
