Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pavarësisht dështimit të radhës për konstituimin e Kuvendit të Kosovës, deputetët e Partisë Demokratike të Kosovës, dhe Lidhjes Demokratike të Kosovës, kanë qëndruar në sallë, duke shprehur shqetësim për krizën institucionale që po vazhdon. Deputetja e LDK-së, Hykmete Bajrami, ka mbajtur një fjalim para deputetëve të pranishëm, ku ka paralajmëruar se opozita do t’i drejtohet sërish Gjykatës Kushtetuese, për të adresuar atë që e cilësoi si moszbatim të aktgjykimit për procesin e konstituimit. “Do të detyrohemi t’i drejtohemi sërish Gjykatës Kushtetuese, por kësaj here ta kemi të qartë se nuk kemi të bëjmë me njerëz normal, nuk kemi të bëjmë me njerëz që dijnë me i lexu vendimet e Kushtetueses”, u shpreh Bajrami. Ajo akuzoi drejtpërdrejt pushtetin për bllokim të qëllimshëm të Kuvendit, duke e lidhur krizën institucionale me interesa në sektorin e energjisë. “Këta e kanë blloku Kuvendin sepse dëshirojnë të punojnë për mafinë energjetike”, theksoi deputetja e LDK-së. Bajrami shtoi se në vend që të diskutohej për tenderët e negociuar në KEK në vlerë prej 137 milionë euro dhe për rritjen e importit të energjisë, Kuvendi është futur në një bllokadë të vazhdueshme që, sipas saj, po shërben për mbrojtjen e interesave të errëta ekonomike dhe politike.
