Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Speciale e Kosovës ka ngritur aktakuzë për krime lufte ndaj Dragan Ristiqit për ngjarjet e ndodhura në Gjakovë gjatë viteve 1998-1999. Sipas aktakuzës, Ristiq, bashkë me forcat policore e ushtarake serbe, dyshohet se ka marrë pjesë në vrasje, keqtrajtime fizike e psikike, arrestime dhe shkatërrime të pasurisë së civilëve shqiptarë. Më 10 maj 1999, në rrugën “Bajram Curri”, ai akuzohet se mori pjesë në një operacion ku u vranë tre civilë shqiptarë dhe u keqtrajtuan të tjerë. Po ashtu, akuzohet për ndarje të dhunshme të burrave nga familjet e tyre, dhunë sistematike dhe dëbime masive të banorëve shqiptarë nga Gjakova. Kufomat e viktimave u gjetën më vonë në varreza masive në Serbi. Ristiq aktualisht ndodhet në paraburgim dhe pritet të dalë para gjykatës për këto akuza të rënda.
