KEK merr dritë të gjelbër për tenderin 137 milionësh, reagim i ashpër nga Hykmete Bajrami

Korporata Energjetike e Kosovës (KEK) njoftoi se ka marrë miratimin nga Organi Shqyrtues i Prokurimit (OSHP) për të vazhduar me tenderin 137 milionë euro për Rehabilitimin dhe Modernizimin e Njësisë A3. Por vendimi ka nxitur reagime të ashpra nga deputetja e LDK-së, Hykmete Bajrami, e cila kritikoi mungesën e studimit të fizibilitetit dhe procesin që po zhvillohet pa specifikacione teknike. Ajo paralajmëroi se nga 6 ofertuesit, do të fitojë “më i shkathëti në negociata”. “Importi i energjisë po rritet, njësoj edhe fitimet e kompanive si EFT e NOA, ndërsa kostoja po u faturohet qytetarëve në çdo produkt e shërbim. Korrupsioni është tu e shkatërru këtë vend”, shkroi ajo në rrjete sociale.