Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionistja Aida Dërguti ka paralajmëruar se fati i Gjykatës Kushtetuese dhe stabiliteti institucional në Kosovë ndodhen aktualisht në duart e gjyqtarit Radomir Laban. Sipas saj, nëse Laban vendos të japë dorëheqje, Gjykata mbetet pa kuorum dhe vendi futet në një kolaps të thellë kushtetues. “Tani fati i Kushtetueses, dhe mund të themi i institucionit të fundit përveç Presidencës, është në duart e zotit Laban. Nëse ai sonte vendos të tërhiqet, atëherë kemi një kolaps total institucional”, tha Dërguti. Ajo shtoi se në një situatë të tillë, e vetmja që do të mbetej me mandat legjitim është Presidentja Vjosa Osmani, ndërsa pjesa tjetër e institucioneve do të mbeten të paralizuara, përfshirë Kuvendin dhe Qeverinë në detyrë, të cilat ajo i cilësoi si të bllokuara dhe të përfshira në shkelje procedurale. “Ky do të ishte kulmi i krizës – një terren i panjohur që do të thellonte edhe më shumë paqartësinë dhe paqëndrueshmërinë në vend”, përfundoi Dërguti.
