Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar Shqiptar në Luginën e Preshevës, Nevzad Lutfiu, ka bërë të ditur se autoritetet serbe kanë pasivizuar 200 adresa të shqiptarëve në jug të Serbisë gjatë periudhës janar–korrik 2025. Sipas të dhënave nga policia në Preshevë dhe Bujanoc, 174 adresa janë pasivizuar në Preshevë dhe 26 në Bujanoc. Lutfiu tha se ka dyshime për shifrat në Bujanoc dhe është në pritje të konfirmimit zyrtar. Ai e ka cilësuar këtë proces si “racizëm dhe spastrim të pastër etnik”. Pasivizimi i adresave sjell humbjen e shtetësisë dhe të drejtave civile, përfshirë votën, pronën, sigurimin shëndetësor dhe pensionin. Ky fenomen është kritikuar edhe në raportin e Departamentit Amerikan të Shtetit, ndërsa BE-ja i ka kërkuar Serbisë sqarime. Lajmi vjen një ditë pas takimit të zëvendëskryeministrit të Kosovës, Besnik Bislimi, me përfaqësues të shqiptarëve të Luginës, ku u diskutuan politikat diskriminuese të Beogradit.
