Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Nismës Socialdemokrate, Xhevahire Izmaku, i është kundërpërgjigjur deklaratave nga radhët e Lëvizjes Vetëvendosje, duke theksuar se pavarësisht përfaqësimit me vetëm tre deputetë në Kuvend, Nisma ka ofruar dorën e bashkëpunimit për zgjidhjen e ngërçit institucional. Izmaku theksoi se partia që përfaqëson është e gatshme të kontribuojë në procesin e konstituimit të Kuvendit dhe nuk përjashton mundësinë e votës në seancën për kryetarin e Kuvendit – por këtë do ta bëjë në varësi të marrëveshjeve politike që mund të arrihen. “Ne jemi të vetëdijshëm për peshën tonë numerike në Kuvend, por po ashtu edhe për përgjegjësinë që kemi si subjekt. Fatmir Limaj është një lider me përvojë dhe potencial për të udhëhequr Kuvendin si kryetar”, deklaroi Izmaku. Ajo tha se do të respektojnë vendimin e Gjykatës Kushtetuese dhe se qëndrimi përfundimtar i Nismës lidhur me votën do të qartësohet pas vlerësimit të zhvillimeve politike në ditët në vijim.
