Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovë, Ramush Haradinaj, ka pritur të martën në një takim lamtumirës ambasadorin e Finlandës në Kosovë, Matti Nissinen. Gjatë takimit, Haradinaj e falënderoi ambasadorin Nissinen për angazhimin dhe kontributin e tij gjatë mandatit diplomatik në Kosovë, duke vlerësuar mbështetjen e vazhdueshme të shtetit finlandez në proceset e rëndësishme për vendin. “Biseduam për zhvillimet në vend, në fushën politike dhe atë të sigurisë, ku theksova nevojën për mbështetjen e mëtejme të Finlandës në synimin e Kosovës për anëtarësim në NATO dhe Bashkimin Evropian”, deklaroi Haradinaj pas takimit. Takimi u zhvillua në një atmosferë miqësore dhe shërbeu si një rast për të riafirmuar partneritetin ndërmjet Kosovës dhe Finlandës, sidomos në fushën e integrimeve euroatlantike.
