Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, ka shprehur shqetësim të thellë për krizën institucionale që po përjeton vendi, duke paralajmëruar se mungesa e vullnetit politik për zgjidhje po rrezikon seriozisht fondet ndërkombëtare të dedikuara për Kosovën. Pas një deklarate për medie jashtë ndërtesës së Kuvendit, Rohde tha se mëngjesin e sotëm kishte pasur një fije shprese për tejkalimin e krizës, por zhvillimet aktuale tregojnë të kundërtën. “Ndoshta sepse nuk ka vullnet të mjaftueshëm politik në mesin e protagonistëve për të gjetur një zgjidhje”, u shpreh ai, duke shtuar se kjo situatë është e dëmshme për vendin. Ambasadori gjerman theksoi se Kosova ka nevojë për institucione funksionale, si parlamenti dhe qeveria, në mënyrë që të mos humbasë mbështetjen financiare dhe politike nga partnerët ndërkombëtarë.
