Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësues të Qeverisë së Shteteve të Bashkuara të Amerikës do të jenë të pranishëm në seancat e radhës të Gjykatës Speciale në Hagë, që nisin nga 15 shtatori, kur mbrojtja e ish-presidentit Hashim Thaçi pritet të fillojë me paraqitjen e provave dhe dëshmitarëve. Avokatët e Thaçit kanë marrë miratimin nga autoritetet amerikane për deklaratën dhe dëshminë e dëshmitarit të koduar “1DW-003”. Për trupin gjykues identiteti i tij është i njohur, por për publikun mbetet i fshehtë. Megjithatë, SHBA-të kanë vendosur kushte të rrepta për këtë dëshmi, përfshirë kufizimin e fushës së pyetjeve, të drejtën e dëshmitarit për të mos u përgjigjur për arsye konfidencialiteti dhe praninë e përfaqësuesve të tyre gjatë marrjes në pyetje. Këto masa, sipas mbrojtjes, do të formalizohen me një kërkesë zyrtare në ditët në vijim.
