Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas përfundimit të seancës së mbajtur sot në Prokurorinë Themelore të Prishtinës, ku Faton Klinaku dhe Nuredin Selmani u paraqitën nën akuzat se e kërcënuan kryeministrin Albin Kurti përmes rrjeteve sociale më 30 gusht 2023, Klinaku deklaroi para mediave se nuk sheh elemente të veprës penale në aktakuzën që rëndon mbi të. Ai u shpreh se postimi i tij në Facebook, i bërë para dy vitesh, vazhdon të qëndrojë online dhe se nuk ka arsye për ta fshirë, duke paralajmëruar se përmes avokatit do të kërkojë hudhjen e aktakuzës. “Ju e dini që kam kërkuar edhe vetë atë përballje. Sa i përket aktakuzës, konsideroj që kurrfarë vepre penale nuk ka. Dhe postimin tim që ka qenë i përsëritur figuron ende, para dy vitesh që e kam postuar në Facebook edhe nuk e heq sepse nuk ka vepër penale… Procesi gjyqësor tash do të vazhdojë, përmes avokatit ne do të bëjmë kërkesën për hudhje të aktakuzës,” tha Klinaku.
