Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori Gjergj Dedaj ka reaguar ashpër ndaj deklaratës së Albin Kurtit për një “Republikë të Tretë”, duke e akuzuar atë për tentativë rishkrimi të historisë së Kosovës dhe për politika populiste e staliniste. Dedaj tha se Kurti, duke mos qenë pjesë e momenteve historike si Rambujeja, Plani i Ahtisarit dhe shpallja e Pavarësisë më 17 shkurt 2008, “vuan shpirtërisht dhe moralisht mungesën e pjesëmarrjes në këto procese” dhe tani po tenton t’i relativizojë ato. Sipas tij, koncepti i “Republikës së Tretë” rrezikon orientimin perëndimor të Kosovës dhe mund ta çojë vendin drejt një modeli autoritar e anti-demokratik. “Republika e Kosovës tashmë është njohur nga mbi 115 shtete demokratike. Ideja e Kurtit për një ‘Republikë të Tretë’ nuk ka asnjë bazë dhe është pjesë e një agjende të rrezikshme politike. Për ta parandaluar këtë, ai duhet të largohet nga pushteti dhe të mos votohet më si kryeministër,” tha Dedaj.
