Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, njëherësh kryetar i Aleancës për Ardhmërinë e Kosovës, Ramush Haradinaj, ka shprehur mbështetjen e tij të plotë për protestën që do të mbahet të dielën, më 14 shtator, në Hagë. Protesta organizohet nga bashkatdhetarët në mërgatë dhe nga organizatat e dala nga lufta e Ushtrisë Çlirimtare të Kosovës, me qëllim që të bëhet zë i së vërtetës përpara opinionit ndërkombëtar. Haradinaj theksoi se kjo nismë është një përpjekje e drejtë dhe e domosdoshme për të dëshmuar para botës karakterin çlirimtar të luftës së UÇK-së. “Qëndroj fuqishëm krah kësaj proteste dhe përpjekjes së drejtë për t’i thënë botës se lufta jonë ka qenë çlirimtare dhe e drejtë”, u shpreh Haradinaj. Ai shtoi se përmes angazhimit të mërgatës dhe të organizatave të dala nga lufta, mesazhi i popullit të Kosovës do të vazhdojë të përçohet me dinjitet dhe me vendosmëri.
