Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Skenderajt, Fadil Nura, ka reaguar ashpër ndaj mungesës së vizitës së Presidentes së Kosovës në shtatoren e Leotrimit, një djaloshi 7-vjeçar që u vra për lirinë e Kosovës. Përmes një postimi në rrjete sociale, Nura ka theksuar se Leotrimi, i cili u bë martir në moshën e vajzave të Presidentes, nuk pati asnjë privilegj, eskortë apo mundësi të zgjedhë shkollë elitare. “Ai u vra. Në heshtje. Në dhe për Kosovën,” shkruan Nura. Kryetari i Skenderajt akuzoi Presidenten për mungesë përgjegjësie institucionale dhe ndjesi amnore: “Ndërsa nëna e tij qan në heshtje, Presidentja nuk ka marrë udhë deri sot për të shprehur ndjesi dhe falënderim institucional edhe ndaj Leotrimit, që, ndonëse vetëm 7 vjeç, u bë martir për të ardhmen e vajzave të saj dhe bashkëmoshatarëve të tjerë anë e mbanë Kosovës.” Reagimi i Nures nënvizon mungesën e reflektimit institucional dhe respektit për sakrificën e fëmijëve që dhanë jetën për lirinë e vendit, duke i rikujtuar qytetarët dhe institucionet për domosdoshmërinë e një reagimi të denjë.
