Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, ka kërkuar dorëheqjen e kryetarit të Kuvendit të Kosovës, Dimal Basha, duke e akuzuar atë për një “hulumtim” që, sipas tij, përbën sulm ndaj Ushtrisë Çlirimtare të Kosovës. Limaj tha se Basha duhet të mbajë përgjegjësi politike dhe morale për veprimet e tij, duke e cilësuar të papranueshme që ai të vazhdojë të qëndrojë në krye të Kuvendit. “Ai nuk është kryetar i Kuvendit tim. Ai njeri duhet të japë dorëheqje nga kryetari i parlamentit. Duhet të ndalet dhe të jetojë me pasojën. Nuk dua ta fus motivin, por po them se duhet të ketë pasoja për veprimin që ka bërë,” deklaroi Limaj. Duke sjellë në kujtesë rastin e ish-ministrit Aleksandar Jabllanoviq, i cili ishte shkarkuar nga Isa Mustafa pas deklaratave fyese për nënat gjakovare, Limaj tha se edhe rasti i Bashës duhet të trajtohet me të njëjtën seriozitet. “Shikoni deklaratën e Jabllanoviqit dhe shikoni punimin e Dimalit. Isa Mustafa e shkarkoi. Atëherë pati një reagim qytetar të jashtëzakonshëm. Nuk mund të ikësh vetëm me një kërkim falje,” u shpreh Limaj.
