Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Artan Behrami, ka reaguar pas vendimit të shefit të EULEX-it, Giovanni Pietro Barbano, për të emëruar Christopher Gosnell si gjykatës të ri në Gjykatën Speciale. Behrami tha se ky veprim është një dëshmi e qartë se Gjykata Speciale nuk është institucion i Kosovës, por funksionon jashtë sovranitetit të saj. “Për ata që ende mendojnë se Gjykata Speciale është e Kosovës: shikoni se si shefi i EULEX-it i emëron gjykatësit e Speciales. Prandaj këta nuk u raportojnë institucioneve të Kosovës, por u raportojnë EULEX-it dhe UNMIK-ut”, shkroi ai. Christopher Gosnell është emëruar të premten si gjykatës i ri në Dhomat e Specializuara në Hagë, duke ringjallur debatet për varësinë e kësaj gjykate nga strukturat ndërkombëtare dhe mungesën e kontrollit institucional të Kosovës mbi të.
