Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pren Marashi, komandant i Batalionit të Katërt të Brigadës 138 të UÇK-së ,në Zonën Operative të Dukagjinit, ka shkruar një reagim publik. Ai ka vlerësuar lartë dëshminë e ish-ndihmëssekretarit amerikan të Shtetit, James Rubin, në Hagë, por i ka bërë apel opinionit publik që të mos pranojë më shtrembërimet e historisë dhe mohimin e sakrificave të luftëtarëve të lirisë. “Për ata që lindën pas luftës, për ata që i indoktrinuan pasardhësit e tyre kundër luftëtarëve të lirisë dhe UÇK-së: duhet të marrin mësime historie — jo me kosto, por falas — për atë çka ka kushtuar çlirimi i vendit tonë. Turpi i mohuesve dhe frikacakëria e disa prej tyre do t’ua mbajë emrin mbi shpinë gjithë jetën”, ka thënë Marashi. Ai ka dënuar ashpër përpjekjet për të relativizuar rolin e UÇK-së dhe ka kërkuar që debati publik të bazohet në fakte dhe dokumente historike, jo në tentativat e reja për të shpërndarë diskriminim moral kundër atyre që dhanë jetën për lirinë. Marashi ka shtuar se kujtesa kolektive duhet mbrojtur dhe se çdo sulm ndaj figurave të UÇK-së është sulm ndaj vetë sakrificës së popullit të Kosovës. “Historia nuk ndryshohet me shpifje e as me mohime; ajo vërtetohet me dokumente, dëshmi dhe me respekt për të rënët. Ne do të vazhdojmë t’i ruajmë të vërtetat e luftës dhe nuk do t’i lejojmë asnjë kthese të errësojë memorien tonë kombëtare”, përfundoi ai.
