Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Seanca gjyqësore lidhur me çështjen e gazit lotsjellës në Kuvendin e Kosovës dështoi për shkak të mungesës së ministrit në detyrë të Punëve të Brendshme, Xhelal Sveçla, si dhe deputetëve Fitore Pacolli dhe Salih Zyba. Në sallë ishte e pranishme vetëm ish-deputetja Drita Millaku, ndërsa avokatët e të akuzuarve morën pjesë.
Kryetari i trupit gjykues, Sabit Sadiku, tha se seanca nuk mund të mbahej për shkak të mungesës së tre të akuzuarve për hedhjen e gazit lotsjellës. Ai shtoi se në seancat e ardhshme, ku nuk kërkohet shtyrja për arsye të ndryshme, të akuzuarit mund të detyrohen të marrin pjesë. Përveç kësaj, njoftoi se seancat e tjera gjyqësore mund të zhvillohen edhe pa praninë e të akuzuarve.
Seanca e radhës është caktuar të mbahet më 31 tetor 2025, në orën 10:00. Aktakuza ndaj tyre është ngritur më 26 korrik 2019.
Sipas Prokurorisë, hedhja e gazit lotsjellës kishte pamundësuar vazhdimin e seancës së Kuvendit, duke detyruar të gjithë deputetët ta lironin sallën.
