Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot përfundoi dëshmia e James Rubin para Gjykatës Speciale në Hagë. Kjo dëshmi ishte historike, sepse solli një rrëfim autentik të qeverisë amerikane mbi luftën e drejtë të Ushtrisë Çlirimtare të Kosovës. Me argumente të fuqishme dhe të pakundërshtueshme, Rubin e rrëzoi konstrukcionin artificial të akuzës për të ashtuquajturën “ndërmarrje të përbashkët kriminale”. Gjatë tri ditëve të dëshmisë, Rubin dëshmoi qartë për rolin e presidentit Hashim Thaçi në ndërtimin e paqes dhe krijimin e partneritetit strategjik me NATO-n, dhe shtetet perëndimore. Si anëtar i delegacionit të Kosovës në Rambuje, në cilësinë e këshilltarit ligjor, e vlerësoj se kjo dëshmi e fuqishme duhet ta kthejë procesin gjyqësor në binarët e tij të drejtë – të mbështetur vetëm në të vërtetën dhe drejtësinë që Rubin e shfaqi pa ekuivok. Jam i bindur se edhe miku im i Rambujesë, Paul Williams, me të cilin punuam tri javë krah për krah në atë proces historik, do të japë dëshmi autentike për të vërtetën e Rambujesë dhe rolin vendimtar të Thaçit. Nëse ky gjykim synon drejtësi të vërtetë dhe paanësi, si jurist karriere kam bindjen e thellë se procesi do të përfundojë me një aktgjykim lirues.
