Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka reaguar pas dëshmisë së ish-Ndihmës Sekretarit Amerikan të Shtetit, James Rubin, në Gjykatën Speciale në Hagë, ku po gjykohen krerët e Ushtrisë Çlirimtare të Kosovës. Në një postim në rrjetet sociale, Rama e ka quajtur të padrejtë dhe politik procesin gjyqësor ndaj Hashim Thaçit, Kadri Veselit, Jakup Krasniqit dhe Rexhep Selimit, duke theksuar se ky proces ka dëmtuar rëndë imazhin e drejtësisë ndërkombëtare. “LIRIA KA EMËR. Nga dëshmia e ish-Ndihmës Sekretarit amerikan të Shtetit, James Rubin, në Hagë, ku një proces shtangës ka njollosur keq drejtësinë ndërkombëtare…”, ka shkruar Rama. Rubin, gjatë tri ditëve të dëshmisë së tij, theksoi se Thaçi nuk kishte rol ushtarak në UÇK, por ishte i përkushtuar për sigurinë e shqiptarëve dhe arritjen e pavarësisë së Kosovës. Reagimi i Ramës përforcon zërat politikë që e shohin këtë proces si selektiv dhe të ndikuar nga kalkulime gjeopolitike, më shumë se nga drejtësia.
