Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në sallën e Gjykatës Speciale në Hagë, një moment i pazakontë ndezi debat mes mbrojtjes dhe prokurorisë. Avokati i Hashim Thaçit, Luka Mishetiq, paraqiti një fotografi historike të ish-presidentit Thaçi së bashku me simbolin e rezistencës, Adem Demaçin, gjatë një vizite në Slloveni. Kjo pamje, sipas mbrojtjes, dëshmon lidhjen e ngushtë të Thaçit me figurën që përfaqësonte moralin e lirisë së Kosovës. Por prokurori James Pache refuzoi menjëherë ta pranojë fotografinë si provë, duke e vënë në dyshim origjinën e saj. “Çfarë po shohim këtu? A kemi ndonjë informacion për prejardhjen e kësaj fotografie?”, pyeti ai. Mbrojtësi i Thaçit iu kundërpërgjigj me ironi: “Nëse doni, e gjeni te ‘Google.com’, tek imazhet”. Ky replika shkaktoi tension, ndërsa prokurori reagoi i nervozuar: “Nuk është detyra ime të kontrolloj Google-un”. Më pas, Mishetiq theksoi se çdo e dhënë e nevojshme për origjinën e fotos gjendet në metadatat e saj. Ky episod i vogël, por i ngarkuar me simbolikë, e nxori edhe një herë në pah përplasjen mes dy narrativave: njëra që sheh Thaçin si pjesë të historisë së lavdishme të UÇK-së, dhe tjetra që përpiqet ta vërë në pikëpyetje çdo dëshmi që lidhet me të.
