Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i çështjeve të sigurisë, Burim Ramadani, ka reaguar pas njoftimit të EULEX-it për shtimin e trupave për sigurinë e zgjedhjeve lokale, duke vënë në pikëpyetje aftësinë e Kosovës për t’i menaxhuar vetë këto procese dhe duke e konsideruar çdo rritje të EULEX-it si humbje të sovranitetit. “Sa herë rritet EULEX-i, na merret ‘një copë’ sovraniteti. Tash EULEX-i njoftoi se ka rritur sërish trupat policore, përkohësisht për zgjedhjet lokale,” tha Ramadani. Ai i ka bërë disa pyetje kritike autoriteteve: “Pse EULEX-i po rritet për sigurinë e zgjedhjeve lokale? Si u bë që Kosova nuk është e aftë të sigurojë mbarëvajtjen e zgjedhjeve vetë, sidomos në Veri? A e dini që EULEX nuk e njeh shtetin e Kosovës?! Rrjedhimisht, kushdo që flet për sovranitet – përplaseni fytyrës faktin që u fuqizua EULEX-i!” Deklarata e Ramadanit vjen në një kohë kur siguria në zgjedhje dhe roli i trupave ndërkombëtare në Kosovë janë në qendër të debatit publik.
