Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të bashkëpunimit ushtarak ndërmjet Forcës së Sigurisë së Kosovës (FSK) dhe Forcave të Armatosura të Republikës së Shqipërisë, një delegacion i Komandës Mbështetëse të FARSH-it, i udhëhequr nga Gjeneral Brigade Aleksandër Pando, zhvilloi një vizitë pune në Komandën e Logjistikës së FSK-së. Delegacioni u prit nga Zëvendëskomandanti i Komandës së Logjistikës, Kolonel Mehmet Lladrovci, i cili prezantoi arritjet, sfidat dhe prioritetet në ngritjen e kapaciteteve logjistike dhe mjekësore të FSK-së. Në takim u shqyrtuan gjithashtu struktura organizative, detyrat dhe aktivitetet që lidhen me fushën e logjistikës ushtarake. Pjesë e vizitës ishte edhe inspektimi i servisimit të automjeteve të rënda, ku delegacioni shqiptar pati mundësinë të njihet nga afër me kapacitetet e mirëmbajtjes. Të dyja palët rikonfirmuan përkushtimin për të thelluar bashkëpunimin dhe për të avancuar më tej kapacitetet përmes planeve bilaterale, shkëmbimit të përvojave dhe aplikimit të praktikave më të mira ndërkombëtare.
