Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kriza politike dhe diplomatike mes Qeverisë Kujdestare të Kosovës dhe Shteteve të Bashkuara ka hyrë në fazën më të rëndë që nga paslufta. Suspendimi i Dialogut Strategjik nga Departamenti i Shtetit është lexuar nga shumë analistë si një “ndëshkim i hapur” ndaj Albin Kurtit, i cili, sipas SHBA-së, ka shkelur “vijën e kuqe” me përpjekjet për të penguar pjesëmarrjen e Listës Serbe në zgjedhjet lokale në veri. Deklaratat e ambasadës amerikane dhe zëdhënësve të DASh-it, kanë qenë të qarta: problemi nuk lidhet me Serbinë apo me faktorë të jashtëm, por me sjelljen e qeverisë në Prishtinë. Përpjekjet e Kurtit për ta paraqitur situatën si “përplasje mbi sovranitetin dhe sundimin e ligjit” u demantuan publikisht nga Washingtoni, duke e ekspozuar qeverinë e tij si të izoluar dhe të diskredituar. Në vend të korrigjimit të kursit, vizita elektorale e Kurtit në Washington u shndërrua në një tjetër trampolinë populiste, ku ai akuzoi hapur ShBA-në se po sakrifikon Kosovën për ta larguar Serbinë nga Rusia. Departamenti i Shtetit reagoi me një gjuhë të pazakontë, duke e quajtur këtë interpretim “tërësisht të pasaktë dhe përpjekje për të ikur nga përgjegjësia”. Sot, më shumë se kurrë, Kosova rrezikon të mbetet e vetmuar, pa përkrahjen e partnerit historik. Në vend të forcimit të lidhjes me SHBA-në, qasja e Kurtit po shndërrohet në një burim turpi kombëtar e rreziku strategjik.
