Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti, Haki Abazi, ka dhënë një vlerësim kritik për mënyrën se si Albin Kurti po menaxhon marrëdhëniet me Shtetet e Bashkuara të Amerikës, duke e përshkruar si një “trimensionalitet” negativ: Deformim, Demagogji, Degradim. Abazi theksoi kundërthëniet e brendshme në pretendimet e Kurtit, sipas të cilit problemi ekziston vetëm në diplomaci, por jo në fushat e zhvillimit dhe mbrojtjes: “3D – Deformim, Demagogji, Degradim. Kështu duket linja e vërtetë e Kurtit me SHBA. Se sa naive do të ishte nëse dikush do të besonte realisht në këtë 3D është e paimagjinueshme. Ky do të ishte një pretendim iluzor se Qeveria e Kosovës mund të përcaktojë me kënd ka marrëdhënie të mira apo jo brenda administratës së SHBA-së ose cilitdo shtet tjetër.” Abazi vazhdoi duke bërë një krahasim ironik: të mendosh se mospajtimet ekzistojnë vetëm në diplomaci, por jo në mbrojtje dhe zhvillim, do të ishte si të mos flisje me zotin e shtëpisë, por të diskutonit me një nga fëmijët e tij. “Do të ishte naive të besonte dikush se Departamenti i Mbrojtjes dhe ai i Thesarit nuk janë në linjë me Departamentin e Shtetit, që është institucioni vulë i të gjitha vendimeve dhe veprimeve.”
