Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri në detyrë i Mbrojtjes, Ejup Maqedonci, priti në takim lamtumirës komandantin e KFOR-it, gjeneralmajor Enrico Barduani. Gjatë këtij takimi, ministri Maqedonci shprehu mirënjohjen e tij për bashkëpunimin e ngushtë dhe mbështetjen e pakursyer që gjeneralmajor Barduani ka ofruar gjatë një viti në krye të misionit paqeruajtës në Kosovë. Ai theksoi se Ministria e Mbrojtjes dhe Forca e Sigurisë së Kosovës vlerësojnë lart profesionalizmin, përkushtimin dhe angazhimin e komandantit të KFOR-it në ruajtjen e paqes, stabilitetit dhe sigurisë në vend, duke shtuar se ky bashkëpunim ka qenë thelbësor për forcimin e partneritetit ndërmjet institucioneve të sigurisë së Kosovës dhe misionit të NATO-s. Nga ana e tij, gjeneralmajor Barduani shprehu vlerësimin për përkushtimin dhe gatishmërinë e institucioneve të sigurisë së Kosovës për të bashkëpunuar me KFOR-in, duke ritheksuar rolin e përbashkët në mbrojtjen e paqes dhe stabilitetit në rajon.
