Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tetë muaj pas zgjedhjeve parlamentare, Kosova vazhdon të jetë pa institucione legjitime, ndërsa Kuvendi ende nuk është konstituuar. Gjykata Kushtetuese ka dhënë tri vendime për këtë çështje, duke theksuar se procesi nuk ka përfunduar pa zgjedhjen e nënkryetarit nga komuniteti serb. Përkundër kësaj, partitë politike duket se po e injorojnë krizën, të përqendruara më shumë në zgjedhjet lokale dhe takime diplomatike. Sipas njohësve të çështjeve politike, zgjedhjet e reja janë zgjidhja e vetme për të dalë nga kjo bllokadë. Sociologu Artan Muhaxhiri thotë se mungesa e vullnetit dhe guximit nga të gjitha partitë ka sjellë vendin në këtë situatë, ndërsa qytetarët duhet të imponojnë bashkëpunim me votën e tyre. Politologu Dritëro Arifi shkon edhe më larg, duke e quajtur situatën “anarki totale”, me institucione pa kontroll dhe pa funksion. Ai thotë se zgjedhjet janë mënyra e vetme për t’i dhënë fund kësaj “marrëzie politike”.
