Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shqipërisë, Bajram Begaj, ka theksuar rëndësinë e dialogut dhe fqinjësisë së mirë në ruajtjen e paqes dhe zhvillimit në rajon, gjatë Samitit të Brdo-Brijunit që u mbajt në Durrës, ku morën pjesë edhe presidentja e Sllovenisë, Natasha Pirc-Musar, dhe presidenti i Kroacisë, Zoran Millanoviq. Në fjalën e tij, Begaj u shpreh se Ballkani Perëndimor ka bërë hapa të dukshëm drejt bashkëpunimit rajonal, por vijon të përballet me sfida sigurie që kërkojnë më shumë koordinim mes vendeve të rajonit. Presidenti shqiptar theksoi gjithashtu rëndësinë e Planit të Rritjes së Bashkimit Evropian, duke e cilësuar atë si një mundësi të vlefshme për zhvillimin ekonomik dhe afrimin e rajonit me tregun e përbashkët evropian. Samiti i Brdo-Brijunit në Durrës u zhvillua me mesazhin për forcimin e stabilitetit, bashkëpunimit dhe perspektivës evropiane të vendeve të Ballkanit Perëndimor.
