Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Kuvendit të Kosovës nga PDK-ja, Vlora Çitaku, ka dhënë sinjale se vendi mund të shkojë në zgjedhje të jashtëzakonshme në fund të këtij viti. Sipas saj, shkak është kryeneçësia dhe papërgjegjësia e kryeministrit në detyrë, Albin Kurti, në formimin e institucioneve të reja të Kuvendit dhe Qeverisë. “Është e dhimbshme që Kosova është pa institucione që shtatë-tetë muaj. Kjo situatë vjen për shkak të sjelljes papërgjegjëse të zotit Kurti”, ka thënë Çitaku. Ajo shtoi se për zgjedhjet e reja po punohet intensivisht në terren, me qëllim që të kthehet normaliteti dhe të krijohet një shumicë parlamentare stabile pa LV-në. Çitaku kritikoi sjelljen e LV-së me institucionet e vendit, duke theksuar se po veprohet si “fëmijë me një lodër” dhe se shumica parlamentare e LV-së nuk është reale. Ajo paralajmëroi se pas zgjedhjeve të reja, do të krijohet një shumicë e re që do të mundësojë funksionimin e institucioneve dhe kthimin e normalitetit në vend. Çitaku përjashtoi çdo mundësi bashkëpunimi me LV-në, edhe për kompromise në lidhje me postin e presidentit. Sipas saj, dallimet politike dhe ideologjike mes PDK-së dhe LV-së janë të mëdha dhe të pakapërcyeshme.
