Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Organizatës së Veteranëve të Luftës së UÇK-së, z. Hysni Gucati, së bashku me bashkëorganizatorin Shkëlqim Hajdari, zhvilluan një takim zyrtar me z. Taulant Balla, kryetar i Grupit Parlamentar të Partisë Socialiste të Shqipërisë. Gjatë takimit u diskutua rreth organizimit të protestës gjithëkombëtare që do të mbahet më 17 tetor në Tiranë, në përkrahje të luftës çlirimtare të Kosovës dhe ish-udhëheqësve të UÇK-së që po përballen me procese të padrejta në Gjykatën Speciale. Z. Balla shprehu mbështetjen e plotë të shtetit shqiptar për këtë nismë, duke e cilësuar atë si një akt dinjiteti kombëtar dhe një zë të fuqishëm në mbrojtje të vlerave të luftës për liri. Organizata e Veteranëve të Luftës së UÇK-së falënderoi për përkrahjen institucionale dhe theksoi se protesta e 17 tetorit do të jetë paqësore, gjithëpërfshirëse dhe simbol i unitetit kombëtar shqiptar.
