Komuna e Malishevës nderon humanistin Bashkim Shala

29/08/2016 Institucionet

Kryetari i Komunës së Malishevës, Ragip Begaj, sot ka ndarë një mirënjohje për humanistin dhe bashkatdhetarin Bashkim Ferat Shala nga Guncati. Këtë mirënjohje, kryetari Begaj, e ka ndarë për humanistin Shala, për shkak të aktiviteteve të tij humane, përkatësisht për blerjen e 75 karrocave për personat me aftësi të kufizuara në Komunën e Malishevës.

Muaj më parë, Bashkim Ferat Shala, që jeton dhe punon në Zvicër, i ka dhënë Qendrës së Rehabilitimit – HANDIKOS në Malishevë, një donacion prej 75 karrocave për nevojat e kësaj qendre, përkatësisht për personat të cilët kanë nevojë të lëvizin me karrocë.

Po ashtu, humanisti Shala, kohë më parë, ka furnizuar me kabinet të informatikës, edhe shkollën në fshatin Guncat. Të gjitha këto donacione nga buxheti i tij personal.

Për këtë qëllim, sot, kryetari i Komunës së Malishevës, e ka nderuar me mirënjohje, humanistin Shala, i cili edhe në të kaluarën ka bërë vepra të tilla humane, në dobi të shoqërisë dhe komuniteteve të caktuara.

Kontrolloni gjithashtu

Kryetari Bashkim Ramosaj në kuadër të “Javës së Diasporës”“ organizon të hënën pritje të veçantë për bashkëatdhetarët tanë

Komuna e Deçanit mirëpret diasporën, me zemër të hapur dhe ju fton të bëheni pjesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara